الاول/الاتوبيس دة بيروح مصر الجديدة
التانى/على الحديدة لية انت طالب احسان
الاول/ بذرة الكتان.....لا دى تلاقيها عند العطار
التانى/ جزار ...اة قولى كدة انت عايز تشترى لحمة
الاول/ معاك حق الدنيا زحمة..علشان دة ميعاد خروج الموظفين
ا التانى/نور الدين!!..لا والله معرفوش
الاول/مابتشربوش!!..لية كفاالله الشر
التانى/راس البر!!!...دة مصيف هادى
ا الاول/عايز تركب للمعادى ...دى منقطة جميلة
التانى/بليلة !!...انت شكلك جعان
الاول/عيان !!ايوة والله انت باين عليك عيان طب ماتروح للدكتور
التانى/الحنطور ...دة احسن من الاوتوبيس وبيوصلنى لحد الباب
الاول/هباب!!...وانا الى فاكرك محترم
التانى/اتخرم هو !!هو مين؟
الاول/عاوز اسبرين !!لية انت عندك صداع؟
التانى/قراع يانهار اسود دة مرض خطير
الاول/فطير !!..لا والله مش بحب الفطير تقيل على المعدة وكمان غالى
التانى/خالى !!انت تعرف خالى؟دة راجل كبير فى السن
الاول/الجن!! نهارك مش فايت انت عليك عفريت؟
التانى/لا والله ...معييش انت عايز الكبريت لية ؟عايز تولع
الاول/ادلع..!ادلع عليك انت ؟انت ماتملاش عنيا
التانى/يقبضو عليا !!!لية؟
الاول/انت غريب ياراجل..شكلك شحات (بيشدوا من القميص)روح اشتغل شغلانة تاكل منها عيش
التانى/خيش!!والله دة صوف انجليزى
الاول/بنتك ..زيزى ربنا يخلى
التانى/انتاج محلى !!دة مستورد
يمر الشاويش يلفتة الحوار....بتعمل اية ياجدع منك لة!!!
الاتنين/ايوة ياشاويش احنا مستنيين الاوتوبيس..
الشاويش /جواسيس....!!يانهاركم مش فايت....قدامى على القسم منك لة
يارب الموضوع يعجبكم
من اختكم الاء اسامة
بفضل الله تعالى مدرستنا تعمل جاهدة من أجل تطوير العملية التعليمية وفقاً للمعايير الحديثة لمواكبة تحديات العصر و النهوض بالمستوى الأخلاقى و الدينى و الثقافى لدى أبنائنا بالمدرسة و نسعى جميعاً بروح الحب و التعاون والإخلاص للحصول على الإعتماد ليكون حجر الأساس الذى يدعم مدرستنا إلى ما شاء الله . القائد الأعلى لفريق قيادة الجودة / أ . محمد جابرالشيخ
الخميس 6 فبراير 2014 - 14:22 من طرف سماء محمد
